The Ranting Dog


O wha my babie-clouts will buy,
Wha will tent me when I cry,
Wha will kiss me where I lie?
The rantin' dog, the daddie o't.

Wha will own he did the faut,
Wha will buy the groanin' maut,
Wha will tell me how to ca't?
The rantin' dog, the daddie o't.

When I mount the creepie-chair,
Wha will sit beside me there?
Gie me Rob, I'll seek nae mair,
The rantin' dog, the daddie o't.

Wha will crack to me my lane,
Wha will make me fidgin fain,
Wha will kiss me o'er again?
The rantin' dog, the daddie o't.

Midi sequenced by Terry Stephens
Used with permission

TOP OF PAGE

BACK

MAIN PAGE