Ye Banks And Braes
R. Burns

Ye banks and braes o' bonnie Doon
How can ye bloom sae fresh and fair?
How can ye chant ye little birds
And I sae weary, fu' o' care?
Ye'll break my heart, ye warbling bird
That wanton through the flow'ry thorn
Ye mind me o' departed joys
Departed never to return.

Oft hae I rov'd by bonnie Doon.
To see the rose and woodbine twine;
And ilka bird sang o' its love
And fondly sae did I o' mine
Wi' lightsome heart I pu'd a rose
Fu' sweet upon its thorny tree;
And my fause lover stole my rose
But ah! he left the thorn wi' me.

Midi sequenced by Barry Taylor

Written by Robert Burns to commemorate the hapless love of a young Ayrshlre lass for faithlessness of a local laird. 'Most bitter sorrow shrined in strain most sweet'. The River Doon runs near where Burns was born in Alloway and is featured in his famous tale of Tam 0' Shanter, who was chased across it by Cutty Sark and her fellow witches. Burns was often to be seen walking by its banks, deep in thought.