Will Ye No Come Back Again? Lady Nairne
Royal Charlie's now awa',
Safely owre the friendly main;
Mony a heart will break in twa
Should he ne'er come back again.
Will ye no come back again?
Will ye no come back again?
Better lo'ed ye canna be
Will ye no come back again?
Mony a traitor 'mang the Isles
Brak' the band o' nature's law;
Mony a traitor wi' his wiles,
Sought to wear his life awa'
Will ye no come back again?
Will ye no come back again?
Better lo'ed ye canna be
Will ye no come back again?
Ye trusted in your Hieland men
They trusted you dear Charlie
They kent your hiding in the glen
Death or exile braving.
Will ye no come back again?
Will ye no come back again?
Better lo'ed ye canna be
Will ye no come back again?
We watched thee in the gloaming hour
We watched thee in the morning grey
Tho' thirty thousand pound they'd gie
Oh! there is nane that would betray!
Will ye no come back again?
Will ye no come back again?
Better lo'ed ye canna be
Will ye no come back again?
English bribes were a' in vain
Tho' puir, and puirer, we maurn be
Siller canna buy the heat
That beats aye for thine and thee.
Will ye no come back again?
Will ye no come back again?
Better lo'ed ye canna be
Will ye no come back again?
The hills he trode were a' his ain,
And bed beneath the birken trees;
The bush that hid him on the plain,
There's none on earth can claim but he.
Will ye no come back again?
Will ye no come back again?
Better lo'ed ye canna be
Will ye no come back again?
Whene'er I hear the blackbird sing,
Unto the e'ening sinkin' doun,
Or merle that mak's the woods to ring,
To me they hae nae ither sound
Will ye no come back again?
Will ye no come back again?
Better lo'ed ye canna be
Will ye no come back again?
Mony a gallant sodjer fought,
Mony a gallant chief did fa'
Death itself were dearly bought
A' for Scotland's King and law.
Will ye no come back again?
Will ye no come back again?
Better lo'ed ye canna be
Will ye no come back again?
Sweet the laverock' s note and lang,
Liltin' wildly up the glen.
But aye tae me he sings ae sang,
Will ye no' come back again?
Will ye no come back again?
Will ye no come back again?
Better lo'ed ye canna be
Will ye no come back again?
|