Sodger Laddie


I once was a maid, though I cannae tell when,
And still my delight is in proper young men.
Some one o' a troop o' dragoons was ma daddie;
No wonder I'm fond o' a young sodger laddie.

Sing fol de rol, lol de rol,
Lol de rol laddie.

The first o' my loves was a swaggerin' blade;
Tae rattle the thunderin' drum was his trade.
His leg was sae tight and his cheek was sae ruddy,
Transported was I wi' my sodger laddie.

Sing fol de rol, lol de rol,
Lol de rol laddie.

But the godly auld chaplain left him in the lurch,
And the sword I forsook for the sake o' the church.
He ventured the soul and I risked the body;
'Twas then I proved fause tae my sodger laddie.

Sing fol de rol, lol de rol,
Lol de rol laddie.

Full soon I grew sick o' my sanctified sot;
Tae the reg'ment at large for a husband I got.
Frae the gilded spontoon tae the fife I was ready;
I asked for nae mair but a young sodger laddie.

Sing fol de rol, lol de rol,
Lol de rol laddie.

But the peace it reduced me tae beg in despair
Till I met my auld body at Cunningham Fair.
His rags regimental, they fluttered sae gaudy,
My hairt it rejoiced at my sodger laddie.

Sing fol de rol, lol de rol,
Lol de rol laddie.

And now I hae lived and I know not how lang
And still I can joy in a cup or a song.
But whilst with both hands I can haud the glass steady,
Here's tae thee, my love, my ain sodger laddie.

Sing fol de rol, lol de rol,
Lol de rol laddie.

TOP OF PAGE

BACK

MAIN PAGE