Sheriffmuir


Will ye go tae Sheriffmuir,
Bauld John o'Innisture,
There tae see the noble Mar
And his Hieland laddies.
A' the true men o' the north,
Angus, Huntly, and Seaforth
Scourin' on tae cross the Forth
Wi' their white cockadies.

There ye'll see the banners flare;
There ye'll hear the bagpipes rare,
And the trumpets' deadly blare
Wi' the cannons' rattle.
There ye'll see the bauld McCraws,
Camerons and Clanranald's raws
And a' the clans, wi' loud huzzas,
Rushin' tae the battle.

There ye'll see the noble Whigs,
A' the heroes o' the brigs,
Raw hides and withered wigs,
Ridin' in array, man.
Ri'en hose and raggit hools,
Sour milk and girnin' gools,
Psalm-beuks and cutty-stools,
We'll see ne'er mair, man.

Will ye go tae Sheriffmuir,
Bauld John o' Innisture,
Sic a day and sic an hour
Ne'er was in the North, man.
Siccan sights will there be seen,
And gin some be nae mista'en,
Fragrant gales will come bedeen,
Frae the waters o' Forth, man.

A song calling the clans to what turned out to be a meaningless battle. The Battle of Sheriffmuir was the only significant battle of the 1715 Jacobite rebellion. On November 13, 1715, an estimated 8000 Highlanders under John, Earl of Mar joined battle with 3500 Hannoverian troops led by the Duke of Argyll. Mar had every opportunity to win his battle, but proved so inept that the result was a draw. Soon after, the 1715 rebellion sputtered to a feeble end. The white cockade was one of the emblems of the Jacobite cause.

TOP OF PAGE

BACK

MAIN PAGE