Rowan Tree
Lady Nairne


Oh rowan tree, Oh rowan tree
Thou'lt aye be dear tae me
Entwined thou art wi' mony ties
O' hame and infancy.

Thy leaves were aye the first o' spring                                    
Thy flowers the summer's pride
There was nae sich a bonnie tree
In all the country side.






























The Auld Hoose



Oh! the auld hoose, the auld hoose,
What tho' the rooms were wee,
Oh, kind hearts were dwelling there,
And bairnies fu' 0' glee.

And wild rose and the jassamine 
Still hang upon the wa 
Hoo mony cherished memories 
Do they sweet flow 'rs reca'.

Oh, the auld Laird, the auld Laird 
Sae canty, kind and crouse. 
Hoo mony did he welcome there, 
His ain wee dear auld hoose. 

And the leddy, too, sae genty, 
There shelter'd Scoltand's heir, 
An' clipt a lock wi' her ain han' 
Frae his long yellow hair

The mavis still doth sweetly sing, 
The bluebells sweetly blaw. 
The bonnie Earn's clear, winding still  
But the auld hoose is awa'. 

The auld hoose, the auld hoose 
Deserted tho' ye be, 
There ne'er can be a new hoose, 
Will seem sae fair to me.

Still flourishing the auld pear tree 
The bairnies liked to see.
And oh hoo often did they speir
When ripe they a' wad be? 

The voices sweet, the wee bit feet
Aye runnin' here and there. 
The merry shouts oh, whiles we greet 
To think we'll hear nae mair.

Bonnie Lass of Fyvie


There was a troop o' Irish Dragoons
Cam' marchin' doon through Fifie-O
An' their Captain fell in love wi' a very bonnie lass
An' her name it was ca'd pretty Peggy-O.

There's many a bonnie lass in the glen of Auchterlass
There's many a bonnie lass in Gairioch-o
There's many a bonnie Jean in the streets of Aberdeen
But the flower of them all lives in Fifie, O

There's mony a bonnie lass frae the Howe o' Auchterless
There's mony a bonnie lass in the Garioch-O
O' there's mony a bonnie Jean in the toon of Aberdeen
But the floo'er o' them a' is in Fifie-O.

O come down the stairs, Pretty Peggy, my dear
Come down the stairs, Pretty Peggy-o
Come down the stairs, comb back your yellow hair
Bid a long farewell to your mammy-o

It's braw, aye it's braw, a captain's lady for to be
And it's braw to be a captain's lady-o
It's braw to ride around and to follow the camp
And to ride when your captain he is ready-o

O I'll give you ribbons, love, and I'll give you rings
I'll give you a necklace of amber-o
I'll give you a silken petticoat with flounces to the knee
If you'll convey me doon to your chamber-o

What would your mother think if she heard the guineas clink
And saw the haut-boys marching all before you o
O little would she think gin she heard the guineas clink
If I followed a soldier laddie-o

I never did intend a soldier's lady for to be
A soldier shall never enjoy me-o
I never did intend to gae tae a foreign land
And I will never marry a soldier-o

I'll drink nae more o your claret wine
I'll drink nae more o your glasses-o
Tomorrow is the day when we maun ride away
So farewell tae your Fifie lasses-o

The colonel he cried, mount, boys, mount,boys, mount
The captain, he cried, tarry-o
O tarry yet a while, just another day or twa
Til I see if the bonnie lass will marry-o

Twas in the early morning, when we marched awa
And O but the captain he was sorry-o
The drums they did beat a merry brasselgeicht
And the band played the bonnie lass of Fifie, O

Long ere we came to the glen of Auchterlass
We had our captain to carry-o
And long ere we won into the streets of Aberdeen
We had our captain to bury-o

Green grow the birks on bonnie Ethanside
And low lie the lowlands of Fifie, O
The captain's name was Ned and he died for a maid
He died for the bonny lass of Fifie, O

We're No Awa Tae Bide Awa


We're no awa' tae bide awa'
We're no awa' tae leave ye
We're no awa' tae bide awa
We'll aye come back tae see ye.

We're no awa' tae bide awa'
We're no awa' tae leave ye
We're no awa' tae bide awa
We'll aye come back tae see ye.























































Midi sequenced by Barry Taylor

TOP OF PAGE

BACK

MAIN PAGE