Rowan Tree
Lady Nairne


Oh rowan tree, Oh rowan tree, thou'lt aye be dear tae me;
Entwined thou art wi' mony ties o' hame and infancy.
Thy leaves were aye the first o' spring, thy flowers the summer's pride,
There was nae sich a bonnie tree in all the country side.
O rowan tree.

How fair wert thou in simmer time, wi' a' thy clusters white,
How rich and gay thy autumn dress, wi' berries red and bright,
On thy fair stem were mony names, which now nae mair can I see,
But they're engraven on my heart - forget they ne'er cn be.
O rowan tree.

We sat aneath thy spreading shade, the bairnies round thee ran,
They pu'd thy bonnie berries red, and necklaces they strang.
My mother! Oh! I see her still, she smil'd our sports to see,
Wi' little Jeanie on her lap, and Jamie at her knee!
O rowan tree.

Oh! there arose my father's prayer in holy evening's calm,
How sweet was then my mother's voice in the Martyr's psalm;
Now a' are gane! we meet nae mair aneath the rowan tree;
But hallowed thoughts around thee turn o' hame and infancy.
O rowan tree.

Midi sequenced by Lesley Nelson
Used with permission

More music is available at:
Lesley Nelson - Contemplator's Folk Music Site

In Scotland at one time there was hardly a home of any kind which did not have a rowan tree growing nearby. The Rowan or Mountain Ash was able to ward off evil in any form, be it 'bogles' or the Legions of Hell. Because of this the rowan tree was omnipresent in memories of childhood, whether spent in bothy or castle.

TOP OF PAGE

BACK

MAIN PAGE