Rothesay Bay
D. Mulock and A. Scott-Gatty

Fu' yellow lie the corn rigs
Far down the braid hillside;
It is the brawest hairst field
Alang the shores o' Clyde,
And I'm a puir hairst lassie
Wha stands the lee lang day
Amang the corn rigs of Ardbeg
Abune sweet Rothesay Bay.

O I had ance a true love,
Now, I hae nane a va;
And I had three braw brithers,
But I hae tint them a';
My father and my mither sleep
I' the mools this day
I sit my lane amang the rigs
Abune sweet Rothesay Bay.

It's a bonnie bay at morning,
And bonnier at the noon,
But bonniest when the sun draps
And red comes up the moon:
When the mist creeps o'er the Cumbrays,
And Arran peaks are grey,
And the great black hills,
Like sleepin' kings,
Sit grand roun' Rothesay Bay.

Then a bit sigh stirs my bosom,
And a wee tear blin's my ee,
And I think of that far countrie
Whar I wad like to be.
But I rise content i' the morning
To wark while wark I may
I' the yellow hairst field of Ardbeg
Abune sweet Rothesay Bay.

The town of Rothesay is on the Isle of Bute and is the county town of Buteshire. It has long been a favourite holiday resort on the Firth of Clyde. Looking over it's bay towards the Kyles of Bute may be seen the hills of Argyllshire - 'the great black hills, like sleepin' kings'. The words of the song were written by Dinah Maria Mulock (1826-1887) and the melody by Alfred Scott-Gatty.